Wat noch to seggen is...
Loot di mitrieten von den Spooß, en plattdüütsch Äten up'n Disch to kriegen.
Rezepte in Plattdüütsch gifft dat al lang. Ober ik neff blots de ruutsöcht, de en snaakschen naam hebbt. Dor fraht sik nicht blots de Kööksch to, dor hett de ganze Familie wat von, wenn de »armen Ritter« nahsten vääl bäter schmecken doot as dat düürste Menü ut de Pann von en vörnehm Huus. Leddig Tellers unn tofreden Gesichter sünd dien Lohn. Un wenn dat een oder anner Minschke wat to quesen hett, geev ik di den Root von use Oma: »Nödigen hölpt!«

Dat schasst du noch wäten:
De Rezepte sünd so upschräben, dat veer Lüüe dorvon satt warrt. Wenn nich, steiht dorbi: Pro Person!
Läss die eerstmol allens dor un kiek no, ob du dat, wat dor tohöört, in'n Huse hest!
Un bindt di de Schörten ümme. Fettplackens sehr nich goot ut!